PROBO MMC - Sınaq və Sertifikatlaşdırma Orqanı
Keyfiyyət testi və sertifikatlaşdırma xidmətlərinin tam çeşidi!
Elektrik, sənaye və telekommunikasiya vasitələrinin elektromaqnit uzlaşması, radiotezlik və təhlükəsizlik standartları üzrə həm sınaqlarının, həm də sertifikatlaşdırılmasının yüksək peşəkarlıqla həyata keçirilməsi.
Xidmətlərimiz
Keyfiyyət testi və sertifikatlaşdırma xidmətlərinin tam çeşidi!
Biz Kimik
2011-ci ildən etibarən, Probo MMC, Azərbaycan Respublikasının qanunvericiliyinə uyğun olaraq məhsullarının test edilməsini təşkil edir. Bu, telekommunikasiya avadanlıqları, cihazlar, yüngül sənaye məhsulları, ev əşyaları, həmçinin mebel və aksesuarların ilkin testlərini əhatə edir. Son illərdə Azərbaycanda sertifikatlaşdırma getdikcə daha da vacib hala gəlmişdir və Probo MMC bu sahədə etibarlı təminatçı olaraq tanınır. 2020-ci ildən etibarən, fəaliyyət sahəsi akreditasiyaya uyğun genişlənərək müxtəlif sənayelərdə məhsul sertifikatlaşdırmasını həyata keçirir.
Probo MMC, radio tezliklərinə əsaslanan məhsullar üçün RF sertifikatlaşdırması da daxil olmaqla, ixtisaslaşmış xidmətlər təqdim edir, bu da beynəlxalq standartlara uyğunluğu təmin edir. Şirkət, elektrik və sənaye məhsulları üçün elektromaqnit uyğunluğu tələblərinə cavab verən EMC sertifikatlaşdırmasında da tanınır. Həmçinin, məhsulların Azərbaycan tənzimləyici orqanları tərəfindən müəyyən edilmiş təhlükəsizlik standartlarına uyğun olduğunu təmin edən AZS təhlükəsizlik sertifikatlaşdırmasını həyata keçirir.
Bundan əlavə, Probo MMC, məhsulların texniki və təhlükəsizlik standartlarına uyğunluğunu təsdiq edən tip təsdiqi prosesində aparıcı rol oynayır. Hazırda, elektromaqnit uyğunluğu, radio tezlikləri və təhlükəsizlik standartlarına görə elektrik, sənaye və telekommunikasiya avadanlıqlarının test və sertifikatlaşdırılmasını həyata keçirən ölkədə yeganə qurumdur.
Faydalı Məlumat
Məhsullar üçün sertifikatların "PROBO" MMC-nin sertifikatlaşdırma orqanından alınmasının üstünlükləri
1. Malın qanunvericiliyə uyğun ölkə ərazisinə idxalı və ölkə ərazisindən ixracı prosesinin sadələşdirilmiş şəkildə həyata keçirilməsi;
2. İstehlakçılara keyfiyyətli məhsul seçimində şəraitin yaradılması;
3. İstehlakçıları keyfiyyətsiz məhsullardan qorumaq;
4. Dövlət nəzarəti (təftiş-yoxlama) halları zamanı inzibati məsuliyyətin yaranmaması;
5. Xarici şirkətlərin istehsal etdiyi məhsulların ölkə ərazisinə idxal edilməsi və satışının mümkünlüyü;
Sertifikatlaşdırma Nədir?
Sertifikatlaşdırma bütün maraqlı tərəflərə məhsulun, prosesin və ya xidmətin göstərilən tələblərə cavab verdiyinə əminlik yaradan bir vasitədir. Sertifikatlaşdırmanın rolu üçüncü tərəfdən göstərilən tələblərin yerinə yetirilməsinin qərəzsiz və səlahiyyətli nümayişi ilə qurulan inam və etibar dərəcəsidir. Məhsulların, proseslərin və ya xidmətlərin sertifikatlaşdırılması, onların standartlarda və digər normativ sənədlərdə göstərilən tələblərə uyğunluğuna zəmanət verir.
Sertifikatlaşdırma fəaliyyəti bazar iqtisadiyyatının obyektiv tələblərindən olub, beynəlxalq, dövlətlərarası və milli standartların tələblərinə uyğun olaraq obyektivlik, şəffaflıq və qərəzsizlik prinsipləri əsasında istehlakçılara təqdim olunan məhsul və xidmətlərin müvafiq normativ sənədlərin tələblərinə uyğunluğunu müəyyən etmək və nəticədə müştəri məmnunluğuna nail olmaq kimi mühüm məqsədlər daşıyır.
Məhsul və Xidmətlərin Sertifikatlaşdırılması
Məhsul və xidmətlərin sertifikatlaşdırılması aşağıdakı funksiyaları həyata keçirir:
- Bazada insan həyatı və ya sağlamlığına, ətraf mühitə və dövlətin əmlak maraqlarına birbaşa və mühüm təhlükə yaradan və ya mühüm zərər vuran məhsulun (proseslərin, xidmətlərin) mövcudluğunun qarşısının alınması üçün məlumatlılıq.
- İstehlakçılara məhsulun (proseslərin, xidmətlərin) səriştəli seçilməsində köməklik.
- Respublikada müəssisələrin və sahibkarların beynəlxalq iqtisadi, elmi-texniki əməkdaşlıqda və beynəlxalq ticarətdə iştirakı üçün şərait yaratmaq.
Azərbaycanda radio avadanlıqların uyğunluğu 3 parametr üzrə yoxlanılır və həmin parametrlərin tələblərinə uyğun olduğu halda sertifikatlaşdırılması aparılır. Bu parametrlərə radio tezlik, elektromaqnit və təhlükəsizlik standartları daxildir. Həmin standartlar bütün dünyada regionlar və ölkələr üzrə qəbul edilmiş normativlərə əsaslanır və həmin normativlər əsasında da sınaqların aparılması həyata keçirilir.
Radioavadanlıqların sertifikatlaşdırılması – radio avadanlığın uyğunluq sınaqlarının keçirilməsi, uyğunluğunun qiymətləndirilməsi və nəticələrinin təhlil edilərək ekspert auditorlar tərəfindən sənədləşdirilməsi daxildir. Uyğunluğu təsdiq edilmiş radio avadanlığa müvafiq olaraq uyğunluq sertifikatı verilir və müraciət edən sifarişçi şəxs adına sertifikatlaşdırılır.
Sertifikatın qüvvədə olma müddəti verildiyi tarixdən etibarən 1 (bir) il olaraq qeydə alınır (xüsusi hallarda sertifikatlaşdırma sxeminə əsasən müddət dəyişə bilər).
Xidmət ödənişli əsaslarla, sertifikatlaşdırılacaq TVQ-lərin növləri və modellərinə əsasən müəyyən edilir və sertifikatlaşdırmanın nəticələrindən asılı olmadan ödəniş həyata keçirilir.